Галсанов Базаржаб (зохёогшо). Буряад хэлэеэ хүгжөөел. Хандалга

Үхибүүдэй сээжэлдэхэ шүлэгүүд. — Улаан-Үдэ: НоваПринт, 2022. — 55 х.: зурагууд. — ISBN 9785911214036.Багша мэргэжэлтэй Базаржаб Галсанов буряад хэлэеэ залуу үетэнэй мэдэхэеэ болижо байхадань һанаата болон хандалга найруулжа, үхибүүдэй хэлэндэ орожо эхилхэдэнь түрэлхи хэлэн дээрээ дуугаржа һургахыень эжы абанарые уряална. Гурба наһанһаа эхилээд, арбан долоотой болоторынь шүлэгүүдые тааруулжа бэшэхэдээ, үхибүүдэй сээжэлдэхэдэ түрэлхи хэлэниинь хүгжэн һалбарха гэжэ найдана.