Абдуллина Гөлфирә (яуап. мөхәр.) Башҡорт теле грамматикаһы. Өс томда. Беренсе том

Әхтәмов М., Хәбибуллина 3. — Өфө: Китап, 2018. — 338 6. — ISBN: 9785295069741 (т. 1). — Фонетика. Графика. Орфография. Орфоэпия. Морфемика. Морфонология, һүҙьяһалыш.«Башҡорт теле грамматикаһы»ның беренсе томында башҡорт теленең һуҙынҡы һәм тартынҡы өндәре һүрәтләнә һәм классификациялана, башҡорт хәрефтәренең яҙыуҙа ҡулланылыш үҙенсәлектәре асыла, орфографияның дөйөм тел принциптары тасуирлана, башҡорт әҙәби теленең дөрөҫ әйтелеш ҡағиҙәләре бирелә. «Морфемика» бүлегендә һүҙҙәрҙең морфематик төҙөлөшөн, һүҙ, һүҙфор-ма, морфема һәм морф төрҙәрен өйрәнеүгә ҙур иғтибар бүленә. Башҡорт теленең морфонологик үҙенсәлектәре, нигеҙ ҡыҫҡарыуы, фонемаларҙың өҫтәлеүе, тәңгәл-ләшеүе һәм сиратлашыуы «Морфонология» бүлегендә ҡарала, «һүҙьяһалыш» бүлеге һүҙҙәрҙең яһалыштары буйынса төрҙәренә, тамыр һәм яһалма һүҙҙәргә, һүҙьяһалыш юлдары һәм ысулдарына, лексик, фонологик, морфематик һәм лексик-семантик, лексик-грамматик, лексик-синтаксик һүҙьяһалыш юлдарына арналған. Китап бүлектәрендә сағылған тел үҙенсәлектәре миҫалдар менән аңлатыла. Китап телселәргә, юғары уҡыу йорто уҡытыусыларына, аспиранттарға, магистранттарга һәм студент-филологтарға тәғәйенләнә.