Bekjäýew Tagandurdy. Köne türkmen ýazuwy كهنه ترکمن يازوى

Redaktor H. Sapargulyýew. Ýokary okuw mekdepleri üçin okuw kitaby. — Aşgabat: Türkmen döwlet neşirýat gullugy, 2013. —183 s.Okuw kitaby halkymyzyň milli medeni mirasyny seljermekde möhüm ähmiýete eýe bolan köne türkmen ýazuwyny öwrenmekde zerur bolan esasy maglumatlary özünde jemleýär. Bu işde diňe bir köne türkmen ýazuwynyň harplaryny öwretmek göz öňünde tutulman, Berkarar döwletimiziň bagtyýarlyk döwrüniň ýaşlaryny ata‑babalarymyzyň dil biliminde, edebiýatda, şeýle-de durmuşyň beýleki ugurlarynda gazanan üstünlikleri bilen tanyşdyrmak hem maksat edinilýär. Okuw kitabynda gadymy akyldarlarymyzyň ylmy işlerine, nusgawy edebiýatymyzyň wekilleriniň döredijiligine, halkymyzyň däp-dessurlary bilen bagly maglumatlara aýratyn üns berildi. Kitap ýokary okuw mekdepleriniň dil we edebiýat fakultetleriniň talyplaryna, aspirantlara, dil we edebiýat mugallymlaryna, taryhçylara şeýle-de, köne ýazuw ýadygärlikleri bilen gyzyklanýanlara niýetlenilýär.