Абдулфайзов С. Маҷмуи матнҳо ва машқҳо марбут ба равобити байналмилалӣ. The collections of the texts and exercises which belong to the issues of international relations

Душанбе: 2012. — 148 саҳ.Баъди фурупошии Иттиҳоди Шӯравӣ 9-уми сентябри соли 1991 Тоҷикистон истиқлолият ба даст овард. Ин дар таърихи миллати тоҷик саҳифаи фаромушнашаванда буд. Ҷумҳурии Тоҷикистон ҳамчун узви комилҳуқуқи Созмони Миллали Муттаҳид, Созмони Амнияту Ҳамкории Аврупо гардида ҳамаи он кишварҳое, ки узви CMM мебошанд, онҳо истиқлолияти Ватани моро пазируфтанд ва кишвари мо бо бисёре аз кишварҳои дунё равобити дипломатиро давом дода истодааст. Имрӯз кишварҳои мухталиф бо ҷумҳурии мо муносибатҳои иқтисодӣ, сиёсӣ ва фарҳангӣ доранд. Инчунин мо бо бисёре аз созмонҳои байналмилалии дунё муносибатҳои дӯстона дорем. Кишварҳои зиёде дар пойтахти Ватанамон шаҳри Душанбе сафоратҳои худро кушоданд ва мо низ дар кишварҳои дигар сафорати Тоҷикистонро ифтитоҳ намудем. Албатта барои дар амал татбиқ кардани ин ҳадафҳо донистани забонҳои хориҷӣ ба вижа забони англисӣ нақши муҳим мебозад. Кишвари мо низ ба ин масъала, яъне омӯзиши забонҳои хориҷӣ диққат медод ва дода истодааст. Якчанд фармонҳои сардори давлат дар бораи баланд бардоштани омӯзиши забонҳои хориҷӣ ба хусус забони англисӣ ва русӣ далели ин гуфтаҳо мебошанд.